ბლოგერი დავით ზარდიაშვილი ფეისბუქის საკუთარ გვერდზე შემდეგი შინაარსის სტატუსს აქვეყნებს:
"არჩევნები საბედისწერო განსაცდელად არ უნდა გვექცეს. არჩევნები შესაძლებლობაა, რომ ხვალ უკეთესი რეალობა შევქმნათ და იგი არ უნდა იქცეს საფრთხედ - ბოროტის მეუფება დავაბრუნოთ.
ნაცები რომ ბოროტებაა, არა მხოლოდ მათი წარსული, არამედ უწინარესად - სწორედაც აწმყო და ასევე, მათი სამომავლო განზრახვანი, გამუდმებით ადასტურებს.
მათი ბოროტების მთავარი მამხილებელი არა მხოლოდ წარსულში, არამედ აწმყოშიც, ე.ი. აქ და ახლა - მათივე ქცევაა: ნებისმიერი მათი სიტყვა და ქმედება, რაც მთავარია, დაუფარავი ყოველი განზრახვა - დღეს უფრო მეტი და მძიმე განსაცდელის, ვიდრე გუშინ გამოიწვიეს, შექმნაა. თანაც ისე, რომ ყველაფერი ხელისუფლებას, უარესიც - სახელმწიფო ინსტიტუტებს დააბრალონ.
შეხედეთ და დაინახავთ, დღე და ღამ რისთვის წვალობენ და მთელ ქვეყანასაც გვაწვალებენ:
არა ვითარების დამშვიდება, არამედ - მაქსიმალურად არევა!
არა წესრიგი, არამედ - მზარდი ქაოსი!
არა კეთილი სიტყვა, არამედ - შემოქმედის გმობა და ადამიანის ლანძღვა-გინება!
არა სათნოება, არამედ - სიბილწე!
არა ეროვნული მშვიდობა და თანხმობა, არამედ - რაც შეიძლება მეტი შუღლი და მტრობა!
არა კონსტიტუცია და სამართალი, არამედ - ნაცების ბორტი ნება!
არა მართლმსაჯულება, არამედ -„შავი სია“!
არა უკეთესი ხელისუფლების არჩევა, არამედ - არსებულის დამხობა!
არა ქართველი ხალხი, არამედ - განაცებული ბრბო!
არა ქართველთა ერი- სახელმწიფო, არამედ - ნაცების ბოროტი კორპორაცია!
არა ქვეყანა, არამედ - ნაცების სამოქმედო ტერიტორია!
ხოლო საბოლოო ჯამში:
არა „ბოროტსა სძლია კეთილმან“ არამედ - პირიქით!
ჭეშმარიტად: „ნუ შეგვიყვანებ ჩვენ განსაცდელსა, არამედ გვიხსენ ჩვენ ბოროტისაგან!“"- წერს დავით ზარდიაშვილი.
ავტორ(ებ)ი : Geotimes.ge