თურქეთის აღმოსავლეთში 6.8 მაგნიტუდის სიმძლავრის მიწისძვრამ 4 ადამიანის სიცოცხლე იმსხვერპლა. სტიქიური უბედურება დაახლოებით, საათნახევრის წინ მოხდა. მიწისძვრამ ელაზიღის და მალათიის პროვინციები მოიცვა. თურქეთის შს მინისტრის სულეიმან სოილუს ინფორმაციით, ერთი ადამიანის გადარჩენა მოხერხდა. სამძებრო-სამაშველო ღონისძიებები გრძელდება. მინისტრის განცხადებით, მიწისძვრამ 10 შენობა დააზიანა. მიწისძვრამ ზარალი მიაყენა, ეპიცენტრთან ახლო მდებარე სოფლებს. სალიკვიდაციო სამუშაოებში სამხედრო ქვედანაყოფები ჩაერთო.