ბლოგერი დავით ზარდიაშვილი ფეისბუქის საკუთარ გვერდზე შემდეგი შინაარსის სტატუსს აქვეყნებს:

"ბოლშევიკური რევოლუციის თეორიასა და პრაქტიკაში პროლეტარიატის ბელადი - ლენინი და ნაცთა ბელადი - მიხეილ გარეკილი, ყველა საკითხში ერთ პოზიციაზე არიან, გარდა ერთისა:

ლენინი - ობიექტური მატერიალიზმის პოზიციებზე მყარად იდგა, ხოლო მიხეილ გარეკილი - ემპიროკრიტიკოსია და მახიზმს აწვება ბოლომდე.

ლენინმა არაფერი იცოდა მიხეილ გარეკილზე, თორემ იმ სირობას, სათაურით: "მატერიალიზმი და ემპირიოკრიტიციზმი", აბა რა დააწერინებდა?!

მიხეილ გარეკილმა ერთხელ და სამუდამოდ დაამტკიცა, რომ რევოლუციური თეორიისა და პრაქტიკისათვის მახისა და ავენარიუსის სუბიექტურ იდეალიზმს ალტერნატივა არა აქვს:

ობიექტურ რეალობაში ბოლშევიკური რევოლუცია, როგორც აბსურდი - არც უნდა ხდებოდეს და ვერც მოხდება;

რევოლუცია მხოლოდ იმ შემთხვევაში შეიძლება მოხდეს, თუკი მთელი სამყარო, როგორც ამას მიხეილ გარეკილი თავისი რევოლუციური პრაქტიკით, რაც მარქსიზმ-ლენინიზმ-მიშიზმ-მახიზმის მიხედვით ჭეშმარიტების ერთადერთი კრიტერიუმია, ამტკიცებს - მხოლოდ და მხოლოდ ბელადის წარმოდგენაა!

ჩვენ, ყველანი მხოლოდ მიხეილ გარეკილის ყოვლისმომცველ გონებაში მახისა და ავენარიუსის "აპერცეფციის" სახით ვარსებობთ: ზოგნი როგორც მისი ბიბლიოთეკის მკითხველნი და ამავდორულად, რევოლუციური შტაბის ჯარისკაცები და ზოგნიც, როგორც - ბოროტი ბიძინას აქსესურაები!"- წერს დავით ზარდიაშვილი.