ამერიკის შეერთებულ შტატებში, ვაშინგტონის შტატში, ახალი კორონავირუსით პირველი პაციენტი გარდაიცვალა, - ამის შესახ ინფორმაციას „როიტერსი“ შტატის ჯანდაცვის ოფიციალურ პირებზე დაყრდნობით ავრცელებს. აღნიშნულთან დაკავშირებით ჯერჯერობით სხვა დეტალები უცნობია. ამერიკის შეერთებულ შტატებში ახალი კორონავირუსის 67 შემთხვევაა დაფიქსირებული. ცნობისთვის, ამ დროისთვის მსოფლიოში ახალი კორონავირუსით 86 020 ადამიანია დაინფიცირებული. ვირუსით დღემდე 2 942 ადამიანია გარდაცვლილი.