ქართველმა მეზღვაურებმა ხმელთაშუა ზღვაში 12 ადამიანის სიცოცხლე გადაარჩინეს. როგორც საზღვაო ტრანსპორტის სააგენტოს მიერ სოციალურ ქსელში გავრცელებულ ინფორმაციაშია აღნიშნული, გადარჩენილებიც და მაშველებიც უვნებლები არიან. „გემ BELLATRIX-ის 12 მეზღვაურის გადასარჩენად სამაშველო ოპერაციაში პანამის დროშის ქვეშ მცურავი გემის ARIFE-ს ეკიპაჟის 12 წევრი, მათ შორის, 6 ქართველი მონაწილეობდა. გადარჩენილებიც და მაშველებიც უვნებლები არიან“,- იტყობინება საზღვაო ტრანსპორტის სააგენტო.

„გუშინ გაჩნდა ხანძარი გემზე "BELLATRIX", საბედნიეროდ, მსხვერპლის გარეშე. ჩატარდა სამაშველო ოპერაცია, ჩვენს გემზე ამოყვანილი იქნა ეკიპაჟის 12-ვე წევრი. მადლობა ღმერთს, მსხვერპლის გარეშე ჩაიარა გუშინდელმა ღამემ“, წერს სოციალურ ქსელში გიორგი თუშმალიშვილი და ვიდეოს აქვეყნებს.

იხილეთ ვიდეო: