ბარელი ამერიკული ნავთობის ფასი ერთ დოლარამდე დაეცა. აქამდე ისტორიული მინიმუმი ბარელზე 9,75 დოლარს შეადგენდა. ეს ბოლო 30 წლის განმავლობაში ყველაზე დაბალი ფასია. მაისის ფიუჩერსები 90 პროცენტით გაუფასურდა. ნავთობის ფასის დაცემა გამოწვეულია კორონავირუსის პანდემიის გამო მიღებული საყოველთაო საკარანტინო ზომებით. ეს პროცესი ექსპერტებს ბუნებრივად მიაჩნდათ, მაგრამ განულებას არავინ მოელოდა. მსოფლიოს მასშტაბით ნავთობის საცავები გადავსებულია, მყიდველი კი არა ჩანს. სავარაუდოდ, გაიაფების ტენდენცია გაღრმავდება. როგორც ზოგიერთი ექსპერტი აცხადებს, არ არის გამორიცხული, კომპანიებმა იქით გადაუხადონ ფული კლიენტებს, ოღონდ ნავთობი გაიტანონ საცავებიდან.