დღევანდელ, 21 აპრილის უცხოურ მასმედიაში საქართველო ძირითადად კვლავ კორონავირუს „კოვიდ-19“-თან ბრძოლის კონტექსტშია მოხსენიებული: აშშ-ის, გერმანიის, დიდი ბრიტანეთის და თურქეთის მასობრივი ინფორმაციის საშუალებების - „ესოშეითედ პრესის“, „როიტერის“, „დოიჩე ველეს“ და „თურქიეს“ მიერ გამოქვეყნებულია სტატისტიკური მონაცემები სათაურით „საქართველოში კორონავირუსით დაავადებულთა რაოდენობამ 400-ს გადააჭარბა“.

პუბლიკაციებში აღნიშნულია, რომ სამხრეთ კავკასიურ სახელმწიფოში - საქართველოში დარეგისტრირებულია 402 „კოვიდ-19“-ით დაინფიცირებული, მათგან უკვე გამოჯანმრთელდა 95 ადამიანი, გარდაცვლილია მხოლოდ 4, რაც რეგიონის მასშტაბით ყველაზე მცირე და შესაბამისად, პოზიტიური მაჩვენებელია. იმავდროულად, ინფორმაციებში აღნიშნულია, რომ ქვეყნის ხელისუფლებამ საგანგებო მდგომარეოის რეჟიმი 10 მაისადმე გააგრძელა.

წყარო: https://www.turkiyegazetesi.com.tr/dunya/698071.aspx

მოამზადა - სიმონ კილაძემ