დღეს უკრაინის რადა არ განიხილავს არანაირ საკადრო საკითხს, მათ შორის არც მიხეილ სააკაშვილის შესაძლო დანიშვნას ვიცე პრემიერ-მინისტრის პოსტზე. ამის შესახებ „უკრაინა 24“-ის ეთერში, პარტია „ხალხის მსახურის“ წარმომადგენელმა ევგენია კრავჩუკმა განაცხადა. ინფორმაციას „უკრინფორმი“ ავრცელებს.
„დღეს არანაირ საკადრო საკითხს არ განვიხილავთ, მათ შორის არც მიხეილ სააკაშვილის დანიშვნას ვიცე-პრემიერის თანამდებობაზე. ნამდვილად ხმების საკმარისი რაოდენობა არ არის მის კანდიდატურაზე“,-აღნიშნა კრავჩუკმა.
მისივე თქმით, სააკაშვილმა, დამატებითი კონსულტაციები გაიარა სხვა პოლიტიკურ ძალებთან. „ეს პოლიტიკაა, ეს დემოკრატიაა და ასეთია რადას გადაწყვეტილება“,-დასძინა კრავჩუკმა.
ავტორ(ებ)ი : geotimes.ge