გასულ წელს, გაუმჯობესებული საერთაშორისო სარეიტინგო მაჩვენებლები, დღეს ქვეყნისათვის თავისებურ ჰანდიკაპადაც შეიძლება იქცეს. გლობალური კრიზისები, განსაკუთრებით, განვითარებადი ქვეყნებისათვის, ხშირად აჩენენ კარგ შესაძლებლობებს პოსკრიზულ პერიოდებში ეკონომიკის ტრანსფორმაციისათვის. მოთხოვნის და მიწოდების შოკების გავლენამ გლობალურ ეკონომიკაზე, შეცვალა საერთაშორისო დონორი ორგანიზაციების და ინვესტორების დაფინანსების სტრატეგიაც და დღის წესრიგიც. დღეს როგორც სავალუტო ფონდი, ისე იბიარდი და მსოფლიო ბანკი, მხარს უჭერენ ქვეყნების ძალისხმევას შიდა მოთხოვნის საკუთარი რესურსებით დასაკმაყოფილებლად, რასაც ემატება იაპონიის და სამხრეთ კორეიული სამრეწველო კომპანიების საწარმოო სიმძლავრეების გადმოტანის დაწყება ჩინეთიდან. ქვეყნის მაკროეკონომიკური მდგრადობა, არაერთხელ იყო აღნიშნული სსფ-ის თუ მსოფლიო ბანკის გასული 2019 წლის მოხსენებებში, წამყვანი საერთაშორისო სარეიტინგო სააგენტოების გაუმჯობესებულ საკრედიტო რეიტინგებში თუ სხვა ბიზნესის თავისუფლების შეფასების რეიტინგებში. ასეთ სიტუაციაში, თუნდაც გასულ წელს, გაუმჯობესებული საერთაშორისო სარეიტინგო მაჩვენებლები, დღეს ქვეყნისათის თავისებურ ჰანდიკაპადაც შეიძლება იქცეს. ამიტომაც აქვს უცხოურ პერიოდიკაში საქართველოზე გასულ პოზიტიურ მასალებს დიდი მნიშვნელობა, პირველ რიგში ინვესტორებისათვის.