ლანჩხუთის მუნიციპალიტეტის სოფელ ნიგვზიანში შუახნის მამაკაცი მოკლეს. არსებული ინფორმაციით, მეზობლებს შორის მომხდარი კონფლიქტი ერთი ადამიანის მკვლელობით დასრულდა. როგორც ირკვევა, მკვლელობის შემდეგ, მამაკაცმა თავი მოიკლა. შინაგან საქმეთა სამინისტროს ინფორმაციით, მომხდართან დაკავშირებით გამოძიება სისხლის სამართლის კოდექსის 108-ე მუხლით მიმდინარეობს, რაც განზრახ მკვლელობას გულისხმობს.