21:58 01.06.2020
„საკონსტიტუციო ცვლილებებს პარლამენტში ძალიან ბევრი მხარდამჭერი ჰყავს - ჩვენი მხრიდან არის სრული მზადყოფნა ამ ცვლილებების მხარდასაჭერად“

მგონია, რომ საკონსტიტუციო ცვლილებები მაინც განხორციელდება, - ამის შესახებ პარტია „ქართული ოცნების“ გენერალურმა მდივანმა, თბილისის მერმა, კახა კალაძემ ჟურნალისტებს განუცხადა. მისი თქმით, საკონსტიტუციო ცვლილებებს პარლამენტში ძალიან ბევრი მხარდამჭერი ჰყავს.

 

„საკონსტიტუციო ცვლილებებს პარლამენტში ძალიან ბევრი მხარდამჭერი ჰყავს. ჩვენი მხრიდან არის სრული მზადყოფნა ამ ცვლილებების მხარდასაჭერად, რომ 2020 წლის საპარლამენტო არჩევნები ჩატარდეს უკვე ახალი საარჩევნო სისტემით. თუ ოპოზიციის მხრიდან არ მოხდება მხარდაჭერა, ეს იქნება ძალიან ცუდი. პირველ რიგში, დააზიანებს მათ. მგონია, რომ ეს ცვლილება მაინც განხორციელდება. თუ რაღაცა კატასტროფა მოხდა და ვერ განხორციელდა, მაშინ არჩევნების ჩატარება მოგვიწევს არსებული სისტემით, რომლითაც ათეული წლების განმავლობაში ტარდებოდა“, - განაცხადა კალაძემ.




ავტორ(ებ)ი : geotimes.ge