ძლიერმა ქარმა გორი დააზარალა. ქალაქის ცენტრალურ ქუჩაზე, ერთ-ერთ საცხოვრებელ კორპუსს ქარმა სახურავი მთლიანად გადახადა. შემთხვევას მსხვერპლი არ მოჰყოლია, თუმცა დაზიანდა ქუჩაში პარკინგზე მდგომი ერთი ავტომობილი. ამ დროისთვის, ქუჩის აღნიშნულ მონაკვეთზე მოძრაობა პარალიზებულია. ადგილზე იმყოფებიან მუნიციპალიტეტის, საგანგებო სიტუაციებისა და საპატრულო პოლიციის წარმომადგენლები.