უკრაინის რეფორმების ეროვნული საბჭოს აღმასრულებელი კომიტეტის თავმჯდომარემ მიხეილ სააკაშვილმა გადაცემაში "სტუმრად დიმიტრი გორდონთან" ჟურნალისტის იუთუბ არხზე განაცხადა, რომ ამერიკის ამჟამინდელ პრეზიდენტთან დონალდ ტრამპთან ერთად, თბილისში ღამის კლუბებში დადიოდა და ფანტანებზე ხტუნავდა.
"მე ყოველთვის ვღებულობდი სტუმრებს, ვატარებდი მათ, დავრბოდით ეშმაკის ბორბალზე. ბევრს უყვარდა იქ მისვლა: ჰილარი კლინტონს, ტრამპს, ჯონ მაკკეინს, რომელიც ათჯერ იყო. იყო ტრამპი. მასთან ერთად ფეხით დავდიოდით, ჩემი ელექტრომობილითაც ვატარებდი დილის შვიდ საათანმდე. ორ ღამის კლუბში ვიყავით, ფანტანებზეც ვხტუნავდით“ - განაცხადა მიხეილ სააკაშვილმა. მან ასევე გაიხსენა ბიზნესმენ ბორის ბერეზოვსკის სტუმრობა, რომელმაც მას სთხოვა ვიღაც გოგოსთან ერთად მისი ქორწილის უზრუნველყოფა. სააკაშვილის თქმით, ქორწილის ორგანიზება ღამევე მოხდა, მაგრამ გოგონა გაიქცა.
ავტორ(ებ)ი : geotimes.ge