00:42 29.07.2020
ბაჩალიაშვილის ლეპტოპი გახსნეს – ადვოკატის პირველი კომენტარი

გამომძიებლებმა 23 წლის გარდაცვლილი თამარ ბაჩალიაშვილის ლეპტოპი გახსნეს და ამ წუთებში მისი სკანირება მიმდინარეობს. ამის შესახებ „პრაიმტაიმს“ ოჯახის ინტერესების დამცველამ მიხეილ რამიშვილმა განუცხადა. როგორც რამიშვილმა განგვიმარტა, მისი თანდასწრებით გაიხსნა ლეპტოტი, სკანირების დასრულების შემდეგ, ინფორმაცია ჯერ გამოძიებას შემდეგ კი მას გადაეცემა. „მიმდინარეობს ექსპერტიზა და სკანირება მიმდინარეობს, რასაც გარკვეული დრო დასჭირდება, ლეპტოპის გახსნას ჩემთან ერთად პროკურორი და ექსპერტები ესწრებოდნენ. სკანირების დასრულების შემდეგ, ინფორმაცია გადაეცემა გამოძიებას და ამის შემდეგ გავეცნობი მეც“, – გვითხრა მიხეილ რამიშვილმა.




ავტორ(ებ)ი : geotimes.ge