"ჯორჯიან თაიმსის" მთავარი რედაქტორი ნანა გაგუა სოციალურ ქსელში 8 აგვისტოს ომს ეხმაურება:
"8 აგვისტო! 2008!....''წყალი ხომ არ გაქვთ, ქალბატონო?''
შვილები სოფელში გვყავს და პირველი, რასაც მე და ქმარი ვფიქრობ: რაც არ უნდა მომხდეს, ყველანი ერთად უნდა ვიყოთ აქ, თბილისში!
მანქანა კრეფს 160-ს და ეკვრება ტრასას!....
ერთ საათში უკვე სოფელში ვართ. კიდევ რამდენიმე წუთი და მთელი ოჯახი, შვილებთან ერთად უკან, თბილისისკენ მოვქრით - მთავარია, ერთად ვართ!...
ქალაქის შესასვლელთან, დიღმის ტრასაზე, ერთმანეთში არეული ჯავშან-ტექნიკა და დაწყურებული ჯარისკაცები გვხვდებიან: ''წყალი ხომ არ გაქვთ, ქალბატონო?'' - მეკითხება გამურული, გადაღლილი, სულ მთლად ახალგაზრდა ჯარისკაცი და ვვარდები პანიკაში, როცა მას თვალებში ვუყურებ, იმიტომ რომ მანქანის სალონში წყალი არ მაქვს, მას კი უზომოდ სწყურია!...
ქალაქში კი სრული ქაოსი, პანიკაა: გათიშული მობილური კავშირები. სახტად დარჩენილი ადამიანები! პასუხგაუცემელი უამრავი კითხვა (როგორ უნდა დავიცვათ თავი დანა-ჩანგლით?!) და ბუნდოვანი მომავალი, რა იქნება ხვალ?!...
ხუთდღიანი ჯოჯოხეთი !!!!!" - წერს ის.
ავტორ(ებ)ი : Geotimes.ge