ბათუმის სამშობიაროში 7 ორსული კოვიდინფიცირებული პაციენტი მოათავსეს, რომლებსაც არ აღენიშნებათ ვირუსის სიმპტომები.

„7 ფეხმძიმე გვყავს კლინიკაში მოთავსებული, მათი მდგომარეობა არის სტაბილური. ვირუსი უსიმპტომოდ მიმდინარეობს. ფეხმძიმე ქალბატონები გუშინ და დღეს შემოიყვანეს. საავადმყოფოს შეუძლია 22 პაციენტის მიღება,” - განაცხადა კლინიკის დირექტორმა ნუგზარ პაპავამ.

ცნობისთვის, 14 სექტემბერს საქართველოში კორონავირუსის 165 ახალი შემთხვევა დადასტურდა,  აქედან 108 - აჭარაში.