აშშ-ში რეკორდულად გაიზარდა იარაღის გაყიდვები! მთლიანად 330 მილიონიან მოსახლეობაში 500 მილიონზე მეტი იარაღია რეგისტრირებული. ცუდი ტენდენციაა! ამერიკული საზოგადოება უარყოფითად არის დამუხტული. დაახლოებით ისე, როგორც ეს ჩვენთან 90-იან წლებში იყო, როცა ბედნიერი სახეებით "ჯოს, ჯოს!" ძახილის შემდეგ მივხვდით, რომ ბალახი საჭმელად არ ვარგა და "ბორჯომი" საკმარისი არ არის (საბოლოოდ ეს "ბორჯომიც" რუსებს მიჰყიდეს ბანკირებმა). ამერიკაში ორივე მხარე აცხადებს, რომ ოპონენტი გააყალბებს და წაგების შემთხვევაში არჩევნების შედეგების ცნობას არ აპირებენ. 1860 წელს აბრაამ ლინკოლნის არჩევნებს 5 წლიანი სამოქალაქო ომი მოჰყვა, რომელიც რესპუბლიკური ჩრდილოეთის გამარჯვებით დასრულდა, ქვეყანა კვლავ გაერთიანდა და განვითარების არნახული ტემპი აჩვენა 1865-დან 1991 წლამდე.

ნათელია, რომ აშშ-ში საბოლოოდ დამარცხდება ის მხარე, რომელიც ბუნების, ღმერთის კანონების წინააღმდეგ წავიდა. ისიც ნათელია, რომ ღვთისმშობლის წილხვედრის სტატუსი არ არის მხოლოდ სიტყვები. ჩვენ გვიცავენ, მაგრამ "ცოტა რამ" ჩვენც უნდა გავაკეთოთ თვითონ, რადგან ჩასაფრებული მომლოდინე სვავები გარშემოც ბევრია და ქვეყნის შიგნითაც არ გვაკლია.