გია ჟორჟოლიანი კოალიციის პირობებში ნაციონალებთან და მის მოკავშირე ძალებთან თანამშრომლობას გამორიცხავს. როგორც სოციალ-დემოკრატების ლიდერმა  რადიო „ჯორჯიან თაიმსის“ ეთერში განაცხადა,  ეს არის ის გამყოფი ხაზი, რომელიც არ გადაიკვეთება.

„ნაციონალებთან  და მის  პარტნიორებთან მოკავშირეობას გამოვრიცხავ. სხვა ჯანსაღი პოლიტიკური შესაძლებლობები   თუ გამოჩნდება,  ეს პოლიტიკური  გარემოს გასაუმჯობესებლად კარგი იქნება“, - განაცხადა  მან.

რაც შეეხება მისი  პარტიის შანსებს მომავალ საპარლამენტო არჩევნებში, გია ჟორჟოლიანი აცხადებს, რომ გათვლა  ორნიშნა ციფრზე აქვთ. „ჩვენ  არ მოვდივართ იმისათვის, რომ 2 კაცი შევიყვანოთ პარლამენტში. ჩვენ მოვდივართ ვითარების  შესაცვლელად და რეალური საქმის საკეთებლად“,  - განაცხადა მან.