ფოთის  მერიაში კორუფციულ გარიგებებში  თავდაცვის მინისტრის ირაკლი ღარიბაშვილის ინფორმირებულობაზე ისაუბრა  პარტია „სამართლიანობისათვის“ ლიდერმა ეკა ბესელიამ   რადიო „ჯორჯიან თაიმსის“ ეთერში. როგორც მან  ეკა სეხნიაშვილის გადაცემაში „დროული დიალოგი“   განაცხადა,  მას ხელთ აქვს  ოფიციალური წერილი, რომელიც წინა მოწვევის პარლამენტში  ყოფნისას   საეჭვო გარიგებების  არსებობის თაობაზე  ირაკლი ღარიბაშვილს მისწერა.

„თვითმმართველობის დონეზე ვაკრიტიკებდი  როგორც  კაკულიას (ფოთის  ყოფილი მერი), ასევე მის წინამორბედს  სართანიას, რომელიც ახლა მაჟორიტარობის კანდიდატია. ადგილობრივ კორუფციულ სქემებში და საეჭვო გარიგებებში ჩართულები  იყვნენ  თვითმმართველობის წარმომადგენლები და მათ მფარველობდნენ ძალოვანი სტრუქტურები. ამის  შესახებ  იცოდა ღარიბაშვილმა და  ეტყობა ერთად იყვნენ ამ კორუფციაში ჩართულები,“-  განაცხადა ბესელიამ.