აკი ბაშოს მე-8-ე საშეჯიბრო დღის მთავარ შეხვედრაში ლევან გორგაძემ მეოთხე გამარჯვება მოიპოვა და ბალანსი გაინულა. ქართველმა მებრძოლმა ტურნირის მთავარი ფავორიტი, ოძეკი ტაკაკეიშო დაამარცხა. იაპონელი ოძეკი ტოჩინოშინისთვის ერთ-ერთი ყველაზე უხერხული მეტოქეა. ურთიერთშეხვედრებში ტაკაკეიშოს 8:2-ზე ჰქონდა უპირატესობა. ლევან გორგაძემ ოძეკის წინააღმდეგ ტაქტიკა სწორად შეარჩია, შეჯახებისთანავე ოდნავ მარჯვნივ გაიწია და მეტოქე თავზე ჩამოკვრით , ჰატაკიკომის ილეთით დააგდო დოჰიოზე. ტოჩინოშინს 8 დღის შემდეგ 4 გამარჯვება და 4 მარცხი აქვს. ხვალ, 21 სექტემბერს ლევან გორგაძის მეტოქე მეორე ოძეკი ასანოიამა იქნება.
ინფორმაციას პირველი არხი ავრცელებს.
ავტორ(ებ)ი : geotimes.ge