ტაჯიკი ბიზნესმენების გატაცების, მათზე ძალადობისა და ფულის გამოძალვის ბრალდებით ოთხი პირია დაკავებული. მათ შორის არიან პანკისელი ბიზნესმენის ვახტანგ ფარეულიძის ძმა და დაცვის სამი წევრი.
როგორც, ვახტანგ ფარეულიძე ამბობს, მათ რამდენიმე თვის წინ ნათესავები დაუკავშირდნენ და ტაჯიკეთის მოქალაქეებისგან ვალის დაბრუნებაში დახმარება სთხოვეს. ვახტანგ ფარეულიძის თქმით, მათ ნაცნობებისგან გაარკვიეს, რომ ტაჯიკი ბიზნესმენები წლებია საქართველოში მოღვაწეობენ და თაღლითობით არიან დაკავებულები.
მისივე მტკიცებით, ამ მიზეზით დაკავებულები ტაჯიკ ბიზნესმენებს ორჯერ შეხვდნენ, იყო დაძაბული საუბარი, თუმცა კანონი არ დარღვეულა.
ავტორ(ებ)ი : Geotimes.ge