სტატისტიკის ეროვნული სამსახურის მიერ გამოქვეყნებული ინფორმაციის თანახმად, 2020 წლის იანვარ-აგვისტოში საქართველოში საქონლით საგარეო სავაჭრო ბრუნვამ (არადეკლარირებული ვაჭრობის გარეშე) 7 022.8 მლნ. აშშ დოლარი შეადგინა. აქედან ექსპორტი 2 071.4 მლნ. აშშ დოლარს შეადგენს (14.7 %-ით ნაკლებია), ხოლო იმპორტი 4 951.4 მლნ. აშშ დოლარს (17.5 %-ით ნაკლებია).

მთლიანობაში, წინა წლის შესაბამის პერიოდთან შედარებით, საქონლით საგარეო სავაჭრო ბრუნვა 16.7 %-ით ნაკლებია.

საქართველოს უარყოფითმა სავაჭრო ბალანსმა, 2020 წლის იანვარ- აგვისტოში, 2 880.0 მლნ. აშშ დოლარი შეადგინა. ეს  საგარეო სავაჭრო ბრუნვის 41%-ია.

იანვარ-აგვისტოში სასაქონლო ჯგუფებიდან საექსპორტო ათეულში პირველი ადგილი სპილენძის მადნებმა და კონცენტრატებმა დაიკავა 462.1 მლნ. აშშ დოლარით, რაც მთელი ექსპორტის 22.3 %-ია. მეორე ადგილს იკავებს მსუბუქი ავტომობილები – 260.1 მლნ. აშშ დოლარით,  მესამე ადგილზეა ფეროშენადნობები 145.5 მლნ. აშშ დოლარით.

უმსხვილესი საიმპორტო სასაქონლო ჯგუფი 2020 წლის იანვარ-აგვისტოში წარმოდგენილი იყო მსუბუქი ავტომობილების სახით, რომლის იმპორტმა 481.6 მლნ. აშშ დოლარი და მთელი იმპორტის 9.7 %-ია. მეორე ადგილს 325.1 მლნ. აშშ დოლარით იკავებდა ნავთობი და ნავთობპროდუქტები, ხოლო მესამე ადგილზეა სპილენძის მადნები და კონცენტრატები 312.1 მლნ. აშშ დოლარით.