საქართველოს პარლამენტთან პატიმრების მოშიმშილე დედებმა, საყოველთაო ამნისტიის კანონპროექტის დაჩქარებული წესით მიღების მოთხოვნით მორიგი აქცია გამართეს.

აქციის ერთ-ერთი ორგანიზატორის, ადვოკატ ალექსანდრე კობაიძის განაცხადებით, თუ უმრავლესობის წევრები კანონპროექტთან დაკავშირებით გადაწყვეტილებას არ მიიღებენ აქციები კვლავ გაგრძელდება.

„ჩვენი ერთადერთი მოთხოვნა არის, რომ საკანონმდებლო ორგანოს სანამ ლეგიტიმაცია შერჩენია, მიიღოს კანონპროექტი, რომელიც ამნისტიას ეხება. აღნიშნული კანონპროექტი პირველ სექტემბერს დარეგისტრირდა და ჩვენი მთავარი მოთხოვნაა, რომ ამ კანონპროექტის განხილვა მოხდეს",-განაცხადა ალექსანდრე კობაიძემ.