საქართველოში  კორონავირუსისგან კიდევ ერთი პაციენტი გარდაიცვალა. გარდაცვლილთა  რაოდენობა 24-მდე გაიზარდა.

ამის შესახებ ინფორმაცია მთავრობის მიერ სპეციალურად შექმნილ ვებ-გვერდზე, stopcov.ge-ზეა განთავსებული.

შეგახსენებთ, რომ დღეს საქართველოში კორონავირუსის 227 ახალი შემთხვევა გამოვლინდა, გამოჯანმრთელდა 69 ადამიანი.

კარანტინის რეჟიმში იმყოფება 5 255 მოქალაქე, ხოლო სტაციონარში მეთვალყურეობას გადის 836 ადამიანი. კოვიდსასტუმროებში იმყოფება 563 მოქალაქე.

ამასთან, უცხოეთიდან სამკურნალოდ გადმოყვანილია საქართველოს 41 მოქალაქე.