ოპოზიცია ცენტრალურ საარჩევნო კომისიას არჩევნების გაყალბების ხელშეწყობაში ადანაშაულებს. ამ საკითხზე ოპოზიციის წევრები ცესკოსთან აქციას მართვენ და კომისიის თავმჯდომარესთან, თამარ ჟვანიასთან შეხვედრას ითხოვენ.

„საარჩევნო კომისია გადაქცეულია"ოცნების" საარჩევნო შტაბად და ეხმარება მმართველ პარტიას ოქტომბრის არჩევნების გაყალბებაში. ამასთან, ამომრჩეველთან იტყუებიან და ეუბნებიან, რომ კაბინიდან გამოსულს შეუძლია ნებისმიერ ადამიანს აჩვენოს თავისი პოლიტიკური არჩევანი. ჩვენ არ დავუშვებთ მოქალაქეებზე ზეწოლას. ვითხოვთ ჟვანიასთან შეხვედრას ,“- ამბობს ლევან ბეჟაშვილი, "ნაციონალური მოძრაობის" წევრი.