რუსული მედიის ინფორმაციით, ალექსეი ნავალნის სისხლსა და შარდში ქოლინესთერაზას ინჰიბიტორის ბიომარკერები აღმოაჩინეს, ნათქვამია ქიმიური იარაღის აკრძალვის ორგანიზაციის (OPCW) ვებ – გვერდზე განთავსებულ განცხადებაში. OPCW განმარტავს, რომ ნავალნის სხეულში აღმოჩენილ ნივთიერებებს აქვთ ტოქსიკური ქიმიკატების მსგავსი მახასიათებლები, მაგრამ ”ქოლინესტერაზის ინჰიბიტორი არ შედის ქიმიკატების იმ ჩამონათვალში, რომელიც წარმოდგენილია კონვენციის დანართში”, - ნათქვამია ორგანიზაციის განცხადებაში. OPCW გენერალურმა დირექტორმა ფერნანდო არიამ მადლობა გადაუხადა კვლევაში მონაწილე ლაბორატორიებს სწრაფი მუშაობისთვის. ”მან ასევე მიიჩნია, რომ კვლევის შედეგები სერიოზულ შეშფოთებას იწვევს. ქიმიური იარაღის აკრძალვის შესახებ კონვენციის მონაწილე სახელმწიფოებმა ქიმიური იარაღის გამოყენება ნებისმიერ გარემოებაში აღიარეს, როგორც საერთაშორისო საზოგადოების მიერ დადგენილი სამართლებრივი ნორმების წინააღმდეგ მიმართული მოქმედება ”, - ნათქვამია ორგანიზაციის ვებგვერდზე.

ადრე, 6 ოქტომბერს OPCW-ის ბრიტანეთის ფილიალმა დაადასტურა ნავალნის ანალიზებში Novichok-ის ჯგუფის შხამის არსებობა. ამავე დროს, მითითებული არ ყოფილა რუსი ოპოზიციონერის სხეულში აღმოჩენილი კონკრეტული ნივთიერება. 

შეგახსენებთ, რომ ნავალნი ცუდად გახდა 20 აგვისტოს ტომსკიდან მოსკოვის მიმართულებით ფრენის დროს. პირველ ორ დღეში მას დაეხმარნენ ომსკის საავადმყოფოს ექიმები. 22 აგვისტოს პაციენტი გადაიყვანეს ბერლინის კლინიკაში, რომლის ექიმებმა განაცხადეს, რომ ნავალნის სხეულში ნოვიჩოკის ჯგუფის ნივთიერების კვალი აღმოაჩინეს. სექტემბერში ნავალნი გამოიყვანეს კომიდან და გაწერეს.