2021 წლის 1 იანვრიდან დიზელის საწვავზე ახალი სტანდარტი ამოქმედდება. ერთადერთი ქვეყანა, ყველა იმ ქვეყნიდან, რომლებიც დღეს დიზელის იმპორტს ახორციელებს პრობლემა მხოლოდ აზერბაიჯანულ სოკარს ექმნება - ამ თემასთან დაკავშირებით ,,ჯორჯიან თაიმსი’’ ექსპერტ ვანო მთვრალაშვილს ესაუბრა.
ქართულ ბაზარზე, სოკარი დიზელის ერთ ერთი მსხვილი მომწოდებელია. მათ ერთწლიანი ვადა ითხოვეს, რათა გადაიარაღება მოხერხდეს და საქართველოში ევრო5 -ის სტანდარტის დიზელი შემოვიდეს.
,,სოკარ ჯორჯიას'' გაყიდვების წილი საქართველოში 38 % შეადგენს. თვითღირებულება 10 -15 თეთრით ნაკლებია სხვა მომწოდებლების ანალოგიურ პროდუქტთან შედარებით. ამ ტიპისა და ხარისხის დიზელით ეკონომიკურ საქმიანობაში ჩართული სეგმენტი სარგებლობს. ჩვენი მოძველებული ავტოპარკიდან გამომდინარე, მოწოდებული დიზელი, ფასითაც და ხარისხითაც სრულიად აკმაყოფილებს მოთხოვნებს - აღნიშნა ექსერტმა
მისი თქმით, ქართველი მომხმარებლისათვის მნიშვნელოვანია, რომ ჰქონდეთ წვდომა შედარებით იაფ პროდუქტზე, მით უფრო ახალა , როდესაც პანდემიიდან გამომდინარე ქვეყანაში ეკონომიკური ვარდნაა.
რაც შეეხება, აზერბაიჯანულ მხარეს, მთვრალაშვილის თქმით, ტექნიკური გადაიარაღებისთვის, ბაქომ ერთწლიანი ვადა ითხოვა. რის შემდეგაც საქართველოში კვლავ შემოვა, როგორც ევრო 4 ტიპის საწვავი, ასევე მაღალი ხარისხის ევრო 5-იც
ავტორ(ებ)ი : geotime.ge