ე.წ. ციანიდის საქმეზე ბრალდებული დეკანოზ გიორგი მამალაძეს დღეს ერთ-ერთ კლინიკაში გადაიყვანენ. ამის მიზეზი მისი ჯანმრთელობის მდგომარეობის გაუარესება გახდა. როგორც დეკანოზის ძმამ განაცხადა, გიორგი მამალაძის ჯანმრთელობის მდგომარეობა ყოველდღიურად უარესდება. თორნიკე მამალაძის განცხადებით, დეკანოზს პარალიზებული აქვს მარჯვენა ხელ-ფეხი, მარჯვენა ფეხის კიდური 9-10 სანტიმეტრითაა დაწვრილებული ჯანმრთელ ფეხთან შედარებით, მარჯვენა ხელი კი, 4-5 სანტიმეტრითაა დაწვრილებული.
დეკანოზის ოჯახი ბრალდებულის მათ მიერ მოძიებულ კლინიკაში გადაყვანას ითხოვს.
გიორგი მამალაძე სასამართლომ შურისძიების მოტივით ციანიდის გამოყენებით შორენა თეთრუაშვილის მკვლელობის მომზადებაში დამნაშავედ სცნო და 9-წლიანი პატიმრობა მიუსაჯა.
ავტორ(ებ)ი : Geotimes.ge