24.10.2020 00:37
გოგა ჩანადირის პოსტი:
მოსალოდნელი იყო, რომ ბორჯღალოსნები წააგებდნენ შოტლანდიელ მორაგბეებთან, მაგრამ გულწრფელად ვიტყვი, ჩვენი გუნდის თამაში უხარისხო იყო. უკეთესი შთაბეჭდილება მეორე ნახევარმა დატოვა. შეიძლება, ეს 7-თვიანი უთამაშებლობის შედეგიც არის, მაგრამ საწყენი იყო ძალისმიერ დაპირსპირებაში სუსტი თამაში და უამრავი შეცდომა.საბოლოოდ 48:7 წავაგეთ. კიდევ კარგი, 1 ლელო მაინც დავდეთ. იმედია, 8 ერის თამაშებზე უკეთეს რაგბის ვაჩვენებთ, უფრო ლაღს, უფრო შემტევს, უფრო უშეცდომოს, უფრო მრავალფეროვანს. და უდავოა, რომ გაცილებით მაღალი კვალიფიკაციის მწვრთვნელი გვჭირდება.
მომდევნო შეხვედრა 14 ნოემბერს ინგლისთან გვექნება. წარმატებები ჩვენს ნაკრებს!