რელიგიის საკითხთა სახელმწიფო სააგენტო სომხურ სამოციქულო ეკლესიასა და მრევლს ცხოველმყოფელი ჯვრის მოპოვების დღესასწაულს ულოცავს. ამის შესახებ ინფორმაციას რელიგიის საკითხთა სახელმწიფო სააგენტო ავრცელებს.
,,დღეს სომეხთა სამოციქულო წმინდა ეკლესია აღნიშნავს ცხოველმყოფელი ჯვრის მოპოვების დღესასწაულს. ჯვრის აღმოჩენა ქრისტეს ჯვრისადმი მიძღვნილ ოთხ დღესასწაულთაგან ერთ-ერთია და იგი წმინდა ელენე დედოფლის მიერ 327 წელს, იერუსალიმში ჯვრის აღმოჩენას უკავშირდება. რელიგიის საკითხთა სახელმწიფო სააგენტო ულოცავს სომხურ სამოციქულო ეკლესიასა და მრევლს დღესასწაულს და მშვიდობას უსურვებს მათ“, - ნათქვამია ინფორმაციაში.
ავტორ(ებ)ი : geotimes.ge