აშშ-ის პრეზიდენტი დონალდ ტრამპი სომხეთის და აზერბაიჯანის პირველ პირებს მთიან ყარაბაღში ცეცხლის შეწყვეტას და ზავის ამოქმედებას ულოცავს. ინფორმაცია ამის შესახებ აშშ-ის პრეზიდენტის „ტვიტერზე“ გამოქვეყნდა.

„ვულოცავთ სომხეთის პრემიერ-მინისტრს, ნიკოლ ფაშინიანსა და აზერბაიჯანის პრეზიდენტ ილჰამ ალიევს, რომლებიც  ცეცხლის შეწყვეტის შესახებ შეთანხმდნენ.  ბევრი სიცოცხლე გადარჩება,“- წერს დონალდ ტრამპი.

აშშ-ის პრეზიდენტი აქვე დასძენს, რომ საკუთარი გუნდით ამაყობს.  კერძოდ სახელმწიფო  მდივანს მაიკლ პომპეოს და სტივ ბიგანს და ეროვნული უშიშროების საბჭოს ასახელებს. როგორც ტრამპი აღნიშნავს, მიღწეული შეტანხმება სწორედ მათი დამსახურებაა.

აშშ-ის, აზერბაიჯანისა და სომხეთის ერთობლივი განცხადებით, მთიან ყარაბაღში ჰუმანიტარული ზავი  დილის 08:00 საათიდან ამოქმედდა.