სომხეთი ზავის დარღვევაზე აზერბაიჯანის ბრალდებებს უარყოფს და საპირისპირო ბრალდებას უყენებს. ქვეყნის თავდაცვის სამინისტროს ინფორმაციით, აზერბაიჯანის არმიამ ცეცხლის შეწყვეტის შეთანხმება მთიანი ყარაბაღის ჩრდილო-აღმოსავლეთის მიმართულებაზე დაარღვია.

„ არაღიარებული მთიანი ყარაბაღის სამხედრო დანაყოფები საზავო შეთანხმების პირობებს მკაცრად იცავენ და ოფიციალური ბაქო დეზინფორმაციას ავრცელებს,“- აცხადებენ სომხეთის თავდაცვის უწყებაში.

აშშ-ის, აზერბაიჯანისა და სომხეთის ერთობლივი განცხადებით, მთიან ყარაბაღში ჰუმანიტარული ზავი  დილის 08:00 საათიდან ამოქმედდა.

აზერბაიჯანის ხელისუფლებამ სომხეთი ცეცხლის შეწყვეტის შეთანხმების დარღვევაში დაადანაშაულა.