ლოკდაუნის  დროს 17  პროცენტიანი ეკონომიკური ვარდნის შემდეგ ეკონომიკის შენელების  ტემპი მნიშვნელოვნად  შემცირდა. ამის შესახებ  რადიო „ჯორჯიან თაიმსის“ ეთერში გიორგი ცუცქირიძის გადაცემაში „ახალი ეკონომიკა“  პრემიერ-მინისტრის თანაშემწემ ეკონომიკურ საკითხებში ბექა ლილუაშვილმა განაცხადა.

მისი თქმით, ამ დროისთვის  ეკონიმიკის შენელების ტემპი მნიშვნელოვნად შემცირდა და ჩვენი გათვლებით, ამ დროისათვის ის  -1,5_2 %-ს შეადგენს. „პირველად  კრიზისის პერიოდში  გაიზარდა ექსპორტის მოცულობა; ველოდით დრამატულ სურათს  ფულადი გზავნილების შემცირების  კუთხით, თუმცა ეს“ -  განაცხადა ლილუაშვილმა  და ყოველივე ეს სხვა ფაქტორებთან ერთად, მისი განცხადებით,  იძლევა იმის თქმის საშუალებას, რომ „დინამიკა, რომელიც  ზრდის ეკონომიკას, არის დამაიმედებელი“.

მან ასევე  ისაუბრა იმაზე, რომ კრიზისულ პერიოდში, სტაბილიზაციაზე  დაიხარჯა მშპ-ს 7,2 პროცენტი. „ეს შეუძლებელი იქნებოდა  საერთაშოროსო დახმარების გარეშე. საქართველოში პოსტკრიზისული ღონისძიებების მოცულობა რეგიონში ყველაზე მაღალი იყო და  შეფასებებიც ანტიკრიზისული გეგმის 24-ვე პუნქტში, იყო ერთ-ერთი  საუკეთესო,“ -  განაცხადა ბექა ლილუაშვილმა.