აზერბაიჯანის თავდაცვის სამინისტროს ინფორმაციით, სომხეთის შეიარაღებულმა ძალებმა ტერტერის რაიონის მიმართულებით საარტილერიო ცეცხლი გახსნეს. მათივე ცნობით, სომხურმა მხარემ ცეცხლის შეწყვეტის შეთანხმება დაარღვია და ღამის განმავლობაშიც აზერაიჯანული პოზიციების მიმართულებით ცეცხლი არაერთხელ გახსნა.
აზერბაიჯანის თავდაცვის უწყების ინფორმაციით, მათ საპასუხო ცეცხლი გაუხსნეს მოწინააღმდეგეს, რის შედეგადაც სომხეთმა ცოცხალი ძალის და ტექნიკის მნიშვნელოვანი დანაკარგი განიცადა.
სომხეთი კი აზერბაიჯანის არმიას მარტუნისა და ასკეანის რაიონების დასახლებების დაბომბვაში ადანაშაულებს. ქვეყნის თავდაცვის სამინისტროს ცნობით, აზერბაიჯანი მშვიდობიანი მოსახლეობის წინააღმდეგ კასეტურ იარაღს იყენებს.
მთიან ყარაბაღში საბრძოლო მოქმედებები 27 სექტემბერს დაიწყო.
ავტორ(ებ)ი : geotimes.ge