აზერბაიჯანის თავდასხმებს კიდევ 59 სამხედროს სიცოცხლე შეეწირა, - შესაბამის მონაცემებს მთიანი ყარაბაღის არაღიარებული რესპუბლიკა ავრცელებს.

მათივე ინფორმაციით, 27 სექტემბრიდან დღემდე დაღუპული სამხედროების საერთო რაოდენობა 1068-მდე გაიზარდა.

შეგახსენებთ, მთიან ყარაბაღში კონფლიქტის ესკალაცია 27 სექტემბერს მოხდა. მხარეებმა ცეცხლის შეწყვეტის შესახებ შეთანხმებას სამჯერ მიაღწიეს, თუმცა სიტუაცია კვლავ დაძაბული რჩება. ბაქო და ერევანი ცეცხლის შეწყვეტის რეჟიმის დარღვევაში ერთმანეთს ადანაშაულებენ.