რომან გოცირიძე  სამარცხვინოს და  უაზროს უწოდებს  პარლამენტის ყოფილი თავმჯდომარის  განცხადებებს ოპოზიციაში რევოლუციური შტაბების არსებობის შესახებ. როგორც  ერთიანი ნაციონალური მოძრაობის ფრაქციის ლიდერმა რადიო "ჯორჯიან თაიმსის“ ეთერში  განაცხადა, „თავდაუზოგავი შრომის შედეგად აღმოჩენილი საბურავების საწყობის,  დაქირავებული მოშეს იდეით პირსისხლიანი ადამიანების ბილბორდების  განთავსების შემდეგ, ახლა ახალი ტყუილი მოიგონეს“.

 „მათ გონიათ, რომ   დეზინფორმაციით,  დამონტაჟებული აუდიო და ვიდეო მასალებით მოატყუებენ ხალხს, მაგრამ ხალხი აღარ ტყუვდება,“ - განაცხადა  გოცირიძემ.  მისთვის გაუგებარი იყო, თუ რატომ ჩამოთვალა ირაკლი კობახიძემ ის რაიონები, სადაც  ოპოზიცია პირველივე  ტურში  დაამარცხებს   „ოცნების“ კანდიდატს. „რატომ არ დაასახელა მესტია, განა იქ, ტყეში უფრო ადვილი არ იქნება  იარაღის შენახვა,“ -  განაცხადა  რომან გოცირიძემ.