ჯანდაცვის მსოფლიო ორგანიზაციის ევროპის ბიუროს ხელმძღვანელი ჰანს კლუგე კონტინენტზე არსებული ეპიდემიოლოგიური მდგომარეობით შეშფოთებულია. მისი თქმით, ევროპა კვლავ ეპიდემიის ეპიცენტრია. ინფორმაციას „გარდიანი“ ავრცელებს.
ორგანიზაციის მონაცემებით, ბოლო შვიდი დღის განმავლობაში ევროპაში „კოვიდ-19“-ის მილიონ-ნახევარი ახალი შემთხვევა გამოვლინდა. ვირუსის გავრცელებიდან დღემდე კი, საერთო ჯამში, 10 მილიონი შემთხვევაა დაფიქსირებული.
„იმის მიუხედავად, რომ ჩემმა ნათქვამმა შესაძლოა, პანიკა გამოიწვიოს, უნდა გამოვხატო ჩვენი შეშფოთება ევროპაში არსებულ მდგომარეობასთან დაკავშირებით“, – განაცხადა ჰანს კლუგემ.
კლუგეს ინფორმაციით, გაზაფხულის შემდეგ წარმოუდგენლად არის გაზრდილი ჰოსპიტალიზაციის რიცხვიც.
ავტორ(ებ)ი : geotimes.com.ge