გურჯაანში, სოფელ ვაზისუბანში მამაკაცმა ორი ადამიანი მოკლა

30.10.2020 16:22

გურჯაანის მუნიციპალიტეტის სოფელ ვაზისუბანში მამაკაცმა ორი ადამიანი მოკლა, ერთი კი დაჭრა.

51 წლის კაცმა ცეცხლსასროლი იარაღით სასიკვდილო ჭრილობები მიაყენა საკუთარ მეუღლესა და მათთან ხმაურზე შესულ მეზობელს.

გარდა ამისა, მან სახის არეში ჭრილობები მიაყენა კიდევ ერთ მეზობელს, რომელიც სასწრაფო სამედიცინო დახმარების ჯგუფმა გურჯაანის „ჯეო ჰოსპიტალში“ გადაიყვანა. მას ამ წუთებში ქირურგიული ოპერაცია უტარდება.

„ჯეო ჰოსპიტალის“ მენეჯერის, გელა ორველაშვილის განცხადებით, დაჭრილია 49 წლის მამაკაცი. მისივე თქმით, პაციენტს ყბა -სახის მძიმე დაზიანების გამო, სავარაუდოდ თბილისის პროფილურ კლინიკაში გადაიყვანენ.

როგორც შინაგან საქმეთა სამინისტროში აცხადებენ, კახეთის პოლიციამ მომხდარზე გამოძიება დაიწყო და დამნაშავის დასაკავებლად აქტიურად მიმდინარეობს ოპერატიულ-სამძებრო ღონისძიებები.

ავტორ(ებ)ი : geotimes.ge

ბოლო სიახლეები

"უკრაინის ფრონტებზე სიტუაცია სულ უფრო უარესდება"-Le Figaro

„დღეს ყველაზე აქტუალურია კითხვა - „დაიწყება თუ არა მოლაპარაკება ამ ზამთარს თუ შეხვედრას სამომავლოდ გადაიტანენ?“.

,,რუსეთის თავდაცვის სამინისტროს შენობაში ხანძარი გაჩნდ''- ტასი

“ზნამენკას 19 ქუჩაზე, თავდაცვის სამინისტროს ტერიტორიაზე მდებარე ერთ-ერთ შენობაში ხანძარი დაიწყო. ინტენსიური ცეცხლი მესამე სართულის ფანჯარაში ჩანს”, - განაცხადა “ტასის” ერთ-ერთმა წყარომ

"ამ განცხადების უკან დგას კორუფციული პროცესები" - კობახიძე

მომიწევს ცოტა მძიმე შეფასების გაკეთება - კორუფციაზე იყო საუბარი ამ განცხადებაში და ამ განცხადების უკან დგას კორუფციული პროცესები, - ამის შესახებ „ქართული ოცნების“ თავმჯდომარემ ირაკლი კობახიძემ გადაცემაში „იმედი LIVE“ განაცხადა, რითაც გამოეხმაურა სახელმწიფო მდივნის ენტონი ბლინკენის განცხადებას ქართველი მოსამართლეების დასანქცირების თაობაზე.