მარნეულის მე-3 საუბნო საარჩევნო უბანზე მცირე ხმაური იყო. ამის მიზეზი საარჩევნო უბნის რამდენიმე წუთით დაგვიანებით გახსნა გახდა.
როგორც ჟურნალისტებს "ევროპული საქართველოს" დამკვირვებელმა განუცხადა, კომისიის ერთ-ერთ წევრს არ უშვებდნენ უბანზე. მას უთხრეს, რომ დააგვიანდა.
საოლქო საარჩევნო კომისიის თავმჯდომარე, ანა ილურიძე კი ამბობს, რომ უბანი დაგვიანებით გაიხსნა იმის გამო, რომ კომისიის ერთ-ერთმა წევრმა გადასატანი ყუთის გადატანაზე უარი განაცხადა, რის გამოც ხელახალი წილისყრა ჩატარდა.
ავტორ(ებ)ი : geotimes.ge