ხულოში სოფელ წაბლანაში მცხოვრები მოქალაქეები საარჩევნო უბნებზე ხმის მისაცემად პროტესტის ნიშნად არ მიდიან. მათი განცხადებით, ხელისუფლებამ ისინი მოატყუა.

„ჩვენ 1989 წელს სტიქიის შედეგად დაზარალებულები ვართ, არაერთი აქცია გავმართეთ. გადმოგვცეს ბინები, მაგრამ დაუსრულებელი, ჩვენ რემონტის საშუალება არ გვაქვს და ამიტომ უკიდურეს ფორმას მივმართეთ, არ მივიღებთ მონაწილეობას არჩევნებში", - აცხადებენ სოფლის მცხოვრებლები.

მათივე განცხადებით, მოსახლეობის საარჩევნო უბანზე იმიტომ გამოცხადდა, რომ  პროტესტი გამოეხატა.