სომხეთის ხელისუფლება აზერბაიჯანის არმიას ქიმიური იარაღის ელემენტების შემცველი თეთრი ფოსფორის გამოყენებაში ადანაშაულებს. ერევანში ამბობენ, რომ აზერბაიჯანმა ჟენევის კონვენციით აკრძალული შეირაღება გამოიყენა. სომხური მედია ქვეყნის თავდაცვის სამინისტროზე დაყრდნობით წერს, რომ დილიდან აზერბაიჯანის არმია მშვიდობიანი მოსახლეობის სახლებს და სამოქალაქო ინფრასტრუქტურას ბომბავს. მთელი ღამის განმავლობაში ბრძოლები მიმდინარეობდა ჩრდილო-აღმოსავლეთის, სამხრეთისა და სამხრეთ დასავლეთის მიმართულებაზე. სომხური მედია წერს, რომ არაღიარებული მთიანი ყარაბაღის სამხედრო დანაყოფები ოპერატიულ-ტაქტიკურ ვითარებას აკონტროლებენ.