ანალიტიკოსი, თადარიგის გენერალი ამირან სალუქვაძე ეხმაურება სოციალურ ქსელში გავრცელებულ ინფორმაციას და ფოტოებს, სადაც ჩანს, იარაღიანი ყოფილი თავდაცვის მინისტრი დიმიტრი შაშკინი და წერს:

„იარაღის ტარების უფლება ვისაც აქვს, ტარების წესიც უნდა იცოდეთ, მით უმეტს დეპუტატებმა, ექს-მინისტრებმა. წაიკითხეთ, თუ აქამდე არ წაგიკითხავთ:

მუხლი 7.

აკრძალულია იარაღისა და საბრძოლო მასალის გადაცემა სხვა პირთათვის ან/და ამოღება (ჩვენება) საზოგადოებრივი თავშეყრის ადგილებში დემონსტრირების მიზნით, გარდა მოქმედი კანონმდებლობით გათვალისწინებული შემთხვევებისა.“

შეგახსენებთ, რომ წესებს არეგულირებს „საკუთრებაში ან სარგებლობაში არსებული იარაღის ტარების, გადაადგილებისა და შენახვის წესისა და რეჟიმის შესახებ“ კანონი, რომელიც 2006 წელს არის მიღებული.