„ევროპული საქართველოს“ საარჩევნო შტაბის ხელმძღვანელი სერგი კაპანაძე აცხადებს, რომ საგარეჯოში, ბათუმში, გურჯაანსა და მარნეულში იყო შემთხვევები, როდესაც რეგისტრატორებმა ამომრჩეველს მისცეს ისეთი ბიულეტენი, რომელსაც „ევროპული საქართველოს“ საარჩევნო ნომერი მოხეული ჰქონდა. 

„საგარეჯოში დაფიქსირდა, ახლა მსგავსი შემთხვევა უკვე გვაქვს ბათუმში, გურჯაანსა და მარნეულში, ანუ ეს არ არის ერთეული შემთხვევა, როდესაც შეგნებულად რეგისტრატორები, რომლებიც არიან „ქართული ოცნების“ წარმომადგენლები, ახევენ ბიულეტენს 2 ნომერს და ისე აძლევენ ამომრჩეველს, რომ პრაქტიკულად 2 ნომრის არჩევის საშუალება მათ არ აქვთ. მინდა მივმართო ჩვენს ამომრჩეველს, თუ ასეთი შემთხვევა დაფიქსირდა, მათ იქვე გააპროტესტონ და მოითხოვონ ახალი ბიულეტენი და ვალდებულია რეგისტრატორი, რომ ახალი ბიულეტენი მისცეს მათ. ასეთი იაფი ხრიკებით, ბუნებრივია, ისინი ვერ მოახდენენ გავლენას არჩევნებზე“, - განაცხადა სერგი კაპანაძემ.