ბათუმის 21-ე საარჩევნო უბანთან ერთმანეთს „ნაციონალური მოძრაობისა" და „ქართული ოცნების" აქტივისტები დაუპირისპირდნენ.
თვითმხილველების ინფორმაციით, 21-ე საარჩევნო უბანთან „ქართული ოცნების" მხარდამჭერები მიკროავტობუსებში ისხდნენ და უბანზე მისული მოქალაქეების სიებს ადგენდნენ. ეს ფაქტი „ნაციონალური მოძრაობის" აქტივისტმა ტელეფონით დააფიქსირა, რაზეც სიტყვიერი და მცირე ფიზიკური დაპირისპირება მოხდა.
შინაგან საქმეთა სამინისტროს ინფორმაციით, მომხდარზე წვრილმანი ხულიგნობის ბრალდებით ორი პირი დააკავეს.
ავტორ(ებ)ი : geotimes.ge