ზუგდიდის საოლქო საარჩევნო კომისიის თავმჯდომარის მირანდა მესხის განცხადებით, 17:00 საათის მონაცემებით, ზუგდიდის რაიონში არ ფიქსირდება რაიმე სახის სერიოზული დარღვევა. მისი თქმით, ტექნიკური ხასიათის პროცედურულ დარღვევებზე უბნებზე რეაგირება უკვე მოხდა.
„17:00 საათის მონაცემებით აქტივობა შეადგენს 37,48%-ს. რომ გადავხედოთ 2019 წლის სტატისტიკას, მასთან შედარებით მონაწილე ამომრჩევლებს შორის სხვაობა დაახლოებით 1% არის. ამ ეტაპისთვის საოლქო საარჩევნო კომისიაში რეგისტრირებული საჩივრების რაოდენობა არ შეცვლილა. ვემზადებით უკვე 20:00 საათის მონაცემებისთვის", - განაცხადა მირანდა მესხმა.
ავტორ(ებ)ი : geotime.ge