„ჩვენო გულშემატკივრებო, პირველ რიგში გულწრფელად დიდი მადლობა ასეთი თანადგომისთვის და ყურადღებისთვის! მამას მდგომარეობა ამჟამად არის სტაბილური, თუმცა რთული. რეანიმაციულ განყოფილებასთან დაკავშირება და პაციენტის მოკითხვა ყოველთვის რთულია, მითუმეტეს ამჟამად არსებულ ვითარებაში. ექიმებს დღეში მხოლოდ 1 საათი აქვთ გამოყოფილი ყველა პაციენტის ოჯახის წევრებთან სასაუბროდ. აღმოჩნდა, რომ ძალიან ბევრი ზარი შედის კლინიკაში მამას მომკითხველებისგან. თუმცა, ამით ხელი ეშლებათ არა მხოლოდ კლინიკის თანამშრომლებს მუშაობაში, არამედ რეანიმაციაში მყოფ სხვა პაციენტის ოჯახის წევრებს, რომლებიც ვერ ახერხებენ ექიმთან დაკავშირებას და თავიანთი ოჯახის წევრის ამბის გაგებას. გარდა ამისა, ექიმს არ აქვს უფლება ოჯახის წევრის გარდა ვინმე სხვას მიაწოდოს ინფორმაცია პაციენტის მდგომარეობის შესახებ და ნებისმიერი ზარი მხოლოდ ფუჭი დროის კარგვაა. ძალიან გთხოვთ, სიახლის გასაგებად დაგვიკავშირდეთ ოჯახს. მჯერა ყველაფერი კარგად იქნება! მამას აქვს კოვიდი, ასევე დაინფიცირებულები არიან ოჯახის ყველა წევრი ჩემს გარდა. მამას აქვს მწვავე პნევმონია,ჟანგბადის უკმარისობა და შაქრის მაღალი მაჩვენებელი. უჭირს სუნთქვა და არის ჟანგბადის აპარატზე- CPAP-ზე. არ აქვს სეფსისი! არ აქვს ცალი ფილტვი გათიშული! არ არის დაინტუბირებული! არ არის კომაში! ანუ გონებაზეა და კონტაქტურია. ამჟამად არის სტაბილურად მძიმედ. ახალგაზრდაა, მოერევა და გამოჯანმრთელებულების სტატისტიკაშიც მალე მოხვდება".