ბელგიის მაღაზიები რაც შეიძლება მალე უნდა გაიხსნას, - ამის შესახებ ქვეყნის მეწარმეობის ფედერალურმა მინისტრმა, დევიდ კლარინვალმა განაცხადა. ინფორმაციას ამის შესახებ The Brussels Times ავრცელებს.
”ჩვენ კუნძული არ ვართ, ბელგიელები საყიდლებზე საზღვარგარეთ მიდიან”, - განაცხადა დევიდ კლარინვალმა.
მინისტრის თქმით, თუ ბელგიაში უახლოეს მომავალში მაღაზიები არ გაიხსნება, თვითდასაქმებულებს ძალიან სერიოზული ეკონომიკური და ფსიქოლოგიური პრობლემები ექნებათ.
მინისტრმა ასევე მოუწოდა მთავრობას, უფლება მისცეს პარიკმახერებს, კოსმეტოლოგებსა და მსგავსი სპეციალისტებს, განაახლონ მუშაობა.
შეგახსენებთ, ამჟამად ბელგიაში საყოველთაო კარანტინი მოქმედებს. მაღაზიები, სასურსათოს გარდა, 13 დეკემბრამდეა დახურული.
ავტორ(ებ)ი : The Brussels Times