პარლამენტთან აქციაზე ადმინისტრაციული წესით დაკავებული ორი პირი გაათავისუფლეს. ორივე პირი ხელწერილის საფუძველზე გაათავისუფლეს. ისინი პარლამენტთან აქციის დროს ადმინისტრაციული კოდექსის 173-ე მუხლით დააკავეს, რაც პოლიციელის მხრიდან კანონიერი მოთხოვნისადმი დაუმორჩილებლობას გულისხმობს.
აქციას „ევროპული საქართველოს“ წევრი ელენე ხოშტარია და „ნაციონალური მოძრაობის“ წევრი ხატია დეკანოიძე მხარდამჭერებთან ერთად მართავდნენ. აქციის მონაწილეები აბაშიძე-კარასინის ონლაინ ფორმატში გამართულ შეხვედრას აპროტესტებდნენ. მათ პარლამენტთან საბჭოთა სიმბოლიკის ნახატის გაკეთება სცადეს, რასაც აქციის მონაწილეებსა და სამართალდამცველებს შორის დაპირისპირება მოჰყვა, რა დროსაც პოლიციამ ორი პირი დააკავა.
ავტორ(ებ)ი : geotimes.ge