ევრობასკეტი 2022-ის საკვალიფიკაციო ტურნირის მეოთხე რაუნდში საქართველოს ნაკრებმა შვეიცარია 91-84 დაამარცხა.

ჩვენი გუნდის შემადგენლობაში საუკეთესო თად მაკფადენი იყო, რომელმაც საკუთარ ანგარიშზე 24 ქულა და 6 პასი ჩაიწერა. გუნდის კაპიტანმა, თორნიკე შენგელიამ კი 17 ქულას, 6 მოხსნას და 5 პასს მოუყარა თავი.

საქართველოს ნაკრები ოთხიდან ოთხი მოგებით ჯგუფს ლიდერობს.

ილიას ზუროსის გუნდი შემდეგ მატჩს 2021 წელს სერბეთთან გამართავს.