მისი სიტყვები ჩემზე საერთოდ არ მოქმედებს, - ასე გამოეხმაურა ცნობილი მოჭადრაკე და მსოფლიო ჩემპიონი, ნონა გაფრინდაშვილი ნიკა გვარამიას განცხადებას.

„გადაგვარებას აქვს ადგილი. მით უფრო, ასეთი ადამიანები როდესაც რაღაცას საუბრობენ, იმდენი ცუდი აქვთ მათ ჩადენილი, რომ რაღაცის გადაფარა უნდათ - შეტევაზე გადმოდიან“, - განაცხადა ნონა გაფრინდაშვილმა.

შეგახსენებთ, რომ ნიკა გვარამიამ ნონა გაფრინდაშვილს სამარცხვინო, თავლაფდასხმული და ფულის მონა იმის გამო უწოდა, რომ მას 2020 წლის საპარლამენტო არჩევნები დემოკრატიულად ჩატარებულად მიაჩნია.